نكت مصريه تموت من الضحك!!! متأكد أنك هتمووت!!

بسم الله الرحمن الرحيم

أول نكته:


واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم
، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه
بعد تلات أيام لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين


ودى نكته حلوه نشوف الثانيه حلوه ولا لا



مرة واحد غبى مش عايز يروح المدرسة ابوه قاله ليه مش عايز تروح المدرسة اصل يا
بابا المدرس بيقولى انا غبى ومبفهمش قالوا طيب انا هروح معاك المدرسة وهشوف
المدرس المهم ان ابو الواد راح المدرسة قال للمدرس انت ليه بتقول على ابنى غبى
ومبيفهمش المدرس قال انا هثبتلك ان ابنك غبى راح المدرس قال للواد روح شوفنى فى
مكتب الناظر وتعالى راح الواد وجيه قال مش موجود فى مكتب الناظر راح ابو الواد
قال ملقتهوش فى مكتب الناظر طيب انزل شوفو فى الحوش


ودى نكته حلوه عن الغباء اللى منتشر اليومين دول


النكته الثالثه:
كان فيه مرة واحد ماعندوش في راسه غير 3 شعرات بس راح للحلاق

فقال للحلاق افرقلي من الجنب

الحلاق جه يفرق من الجنب اتقطعت شعرة

قاله خلاص افرقلي من النص

الحلاق جه يفرق من النص اتقطعت شعرة

فالحلاق قاله ما بقاش فاضل غير شعرة واحدة

قاله انكشها

ملاحظه أنصح كل أقرع بأن يأخد بنصيحه هذا الأقرع الفالح الفصيح)


النكته الرابعه:

واحد بلدياتنا عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... بلدياتنا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ... جـاه النوم … قـام غـسـل وشه ورجــع للـسـريـر يـكـمـل الـعـد )

ملاحظه قابلونى لو نام)

النكته الخامسه:

(مرة واحد بلدياتنا عرف ان الجلد موضة مشى عريان )

النكته السادسه:

(صعيدي عايز يعمل عمليه انتحاريه عمل بروفة قبلها بجمعه)

النكته السابعه:

(مرة واحد بتاع سمك ابنه مات فماشى فى الجنازة يقول: كان صاحى وبيلعب )


النكته الثامنه:

(الأمريكان والروس بيترسموا على بعض ... الأمريكان يقولوا إحنا أول ناس طلعنا القمر والروس يقولوا لا إحنا أول ناس طلعنا القمر ... صعيدي كان واقف إضايق أوي قالهم إنتوا لما طلعتوا القمر لقيتوا إيه هناك ؟؟؟ قالوله طوب ورمل وزلط قالهم إحنا اللي مطالعينه )

النكته التاسعه:

(جماعة صعايدة سمعوا عن إختراع إسمه السيفون حبوا يعرفوا هو إيه بعتوا واحد منهم أمريكا لما رجع قالهم أما السيفون ده حتة إختراع يا رجاله تدوس على السيفون ويا تلحق تشرب يا متلحقش )

النكته العاشره:
(صعيدي إشتري عربية شبح طلع على الطريق السريع علشان يجربها فشغل الراديو لقي المذيع بيقول هنا لندن الصعيدي قال يلعن أبو السرعة )

النكته الإحدى عشر:
(مسطول بيقول لصاحبه إمبارح شفت فيل أحمر طاير فوق عمارتنا صاحبه قاله ياكذاب هو فيه فيل أحمر )

النكته الثانيه عشر:

(2 مساطيل دخلوا متحف لقوا هيكل عظمي مكتوب عليه 1600 ق .م فواحد بيسأل الثاني إيه 1600 ق.م دي ؟؟؟
قاله تلاقيها رقم العربية إللي خبطته)

النكته الثالثه عشر:

(واحد غبي حدف لحبيبته وردة ماتت ليه؟ علشان نسي يشيل الوردة من الزهرية )

النكته الرابعه عشر:
(مره واحد غبي راح السنيما هو ومراته اول ما النور طفا قال لها جومى يا واليه شكلهم هيناموا)

النكته الخامسه عشر:
(واحد مسطول اشتغل سواق تاكسي، شاورتله واحده، وقف وسألها "رايحه فين؟" قالتله "المهندسين" قالها "روحي بس ما تتأخريش" )

النكته السادسه عشر:
(مسطول ماسك ثلجه بيقول أموت و أعرف بتنقط منين الميه ديه )

النكته السابعه عشر:

(اتنين مساطيل قاعدين قدام مرايا الاول بيقول لصاحبوا مش واجب برده نقوم نسلم ع الجماعه اللى قاعدين دول قالوا واجب برده ولسه حيقوموا راح التانى قالوا اقعد يا عم اهم جاييين علينا اهم )

النكته الثامنه عشر:

(كلب قابل كلب تاني فى الشارع فبيقوله هو فرد عليه الكلب التاني وقاله هوهو رد عليه الكلب الاول وقاله بقولك اييه ما تغيرش الموضوع )

النكته التاسع عشر:
( مرة كان فى نملة بتستحمى تاهت فى الليفة)

النكته العشريين :
( مرة واحد عصبي اتجوز وحدة عصبية الدكتور جاى ينزل الولد قاله اوعى ياعم انا نازل لوحدى )

على ما أظن انا إن فى كتيير ضحكوا بس ياريت تعجبكوا وتخلوا كل اللى فى الموقع يضحك زيكم وتبقى الفرحه فرحتين